Бага насны хүүхдийн хөдөлгөөний 5 чанарыг хөгжүүлэх, хөдөлгөөний дутагдлаас урьдчилан сэргийлэх зорилгоор тоглоомын төвийг хуваарийн дагуу ажиллуулж байна. “Тоглоомын төв”-д тоглох явцдаа хүүхдүүд:

• Өөрийн сонгосон хөдөлгөөн бүхий үйлийг бие дааж гүйцэтгэх;
• Хөдөлгөөнийг орон зайд зохицуулан бусадтай хамтран гүйцэтгэх;
• Багийн тоглоом, уралдаанд оролцох;
• Гимнастикийн шатанд авирч зогсоод бөмбөгийг нэг гараар шидэх;
• Нэг буюу хоёр гараар савлуураас үсэрч барьж, дүүжигнэн тоглох;
• Гулсуур өөд гүйж гарах;
• Нэг шатнаас нөгөө рүү шилжиж авирах;
• Тоглоом, хэрэглэгдэхүүн ашиглан биеийн тэнцвэрийг хадгалах дасгал хөдөлгөөн гүйцэтгэх;
• Өндөрлөг  зүйл (авирах хана, гулсуур гэх мэт) дээр авирч гарах, давж буух;
• Багшийн үгэн зааварчилгааг анхааралтай сонсож дагах;
• Бусадтай хамтран тоглоом хэрэгслийг зөөж байрлуулах, хураах;
• Аюул осолгүй тоглох;
• Тоглох явцдаа ээлжээ хүлээх, хамтдаа тоглох гэх мэт чадваруудыг бие даан эзэмшиж байна